රුහුණ විශ්වවිද්‍යාලයීය මහා ශිෂ්‍ය සංගමය

නුඹ විරුවෙක්ය පණ සටනට මුදා හළ . . .

පසුගිය වසරේ රුහුණ සරසවි නේවාසිකාර අරගලයේදී දිවි පිඳු මානව ශාස්ත‍්‍ර හා සමාජීය විද්‍යා පීඨයේ අධ්‍යාපනය ලැබූ සුසන්ත අරුණ බණ්ඩාර සොයුරා සිහි කරමින් අද දින(2011.07.25)රුහුණ සරසවි විරු සිසු ස්මාර්කය අභියස සැමරුම් උත්සවයක් සංවිධානය කර තිබුණි.

සුසන්ත බණ්ඩාර අපට කියාදුන් පාඩම කුමක්ද?

සරසවි සිහිනය සැබෑ කරගන්නට කළ යුතු කැපකිරීම් වල ප‍්‍රමාණය ඔබට හෝ මට කවුරුන් විසින් හෝ අමුතුවෙන් විස්තර කරදියයුතු නැත.එසේ විසිර මල් පෙති මාවතක නොව කටු බොරළු මාවතක ඇවිද යමින් සුසන්ත බණ්ඩාර අපේ ආදරණීය සටන් සගයාද සරසවි වරම් ලබන්නේ සුවහසක් වූ බලාපොරොත්තු ගොන්නක් කරපින්නාගෙනය.

අඳුරෙන් ආලෝකය වෙත.

අම්මේ අර කුරුළු රෑන්
කොහෙටද පියඹා යන්නේ
නිදහස් මංපෙත් සොයමින්
නව හිරුගේ සොඳුරු නිවස
ඈත එපිට ක්ෂිතිජය තුළ
සැගවී ඇත්තේ...........
ඒ නව හිරු දැක ගන්නට
නව හිරු රැස් විඳගන්නට
කෙතරම් බාධා තිබුණත්
අඳුරින් ආලෝකය වෙත
පියඹා යන්නේ.............     

සුසන්ත අපෙන් උදුරාගෙන දින 365 යි. සුසන්තට යුක්තිය ඉටුකරමු.

යුක්තිය, අද සමාජයේ විවිධ වූ සමාජීය කොට්ඨාසයන් ඉල්ලා සිටින්නේ යුක්තියයි. මිනිසුන්හමුවේ ඇති දැවෙන ප්‍රශ්න හමුවේ, විටෙක මිනිසුන් යුක්තිය යදී. විටක යුක්තිය ඉල්ලා හඬනගයි. විටෙක යුක්තිය උදෙසා සටන් කරයි. කෙසේ හෝ මිනිසුන් යුක්තිය ඉටුකර ගනු වස්පෙළගැසී සිටී.